PANGNGALAN= mga salitang tumutukoy sa ngalan ng tao, bagay, pook, hayop at mga pangyayari.
URI NG PANGNGALAN PANTANGI = pangngalang tumutukoy sa tiyak at tanging ngalan ng tao, bagay, lugar, hayop, gawain at pangyayari. Ito ay nagsisimula sa malaking titik. Halimbawa: Romel, Sony, Pilipinas, Tarsier
PAMBALANA = balana o pangkaraniwang ngalan ng mga bagay, tao, pook, hayop at pangyayari. Ito ay pangkalahatan, walang tinutukoy na tiyak o tangi. Halimbawa: lalaki, telebisyon, bansa, puno | URI NG PANGNGALAN AYON SA KONSEPTO TAHAS= mga pangkaraniwang pangngalang nakikita, nahahawakan, naririnig at naaamoy. Halimbawa: mesa, ibon, pansit, basura
BASAL= mga pangngalang nadarama, naiisip, nagugunita o napapangarap. Halimbawa: kalungkutan, kahirapan, pag-ibig |
KASARIAN NG PANGNGALAN PANLALAKI= tumutukoy sa tao o hayop na lalaki. Halimbawa: sastre, hari, tatay, ginoo, pari
PAMBABAE= tumutukoy sa tao o hayop na babae Halimbawa: reyna, nanay, binibini, madre
DI-TIYAK= maaaring tumutukoy sa lalaki o babae man. Halimbawa: magkaibigan, guro, magulang, bata
WALANG KASARIAN = tumutukoy sa mga bagay, pook, pangyayari, at iba pang walang kasarian. Halimbawa: damit, telepono, parke, kaarawan | KAILANAN NG PANGNGALAN ISAHAN= tumutukoy sa isang tao, bagay, hayop o lugar lamang. Maaaring may SI, ANG, KAY sa unahan. Halimbawa: ang bata, si Mila, kay Ruel
DALAWAHAN= tumutukoy sa dalawang tao, bagay, hayop o lugar. Halimbawa: magkapatid, magkamag-aral
MARAMIHAN= tumutukoy sa higit sa dalawang tao, bagay, hayop o lugar. Maaring may SINA, ANG MGA, NG MGA, KINA sa unahan. Halimbawa: sina Ruby, Dennis at Jon, ang mga mag-aaral, magkakapatid, magkakamag-aral |
GAMIT NG PANGNGALAN
SIMUNO = ang pangngalang pinag-uusapan sa pangungusap. Halimbawa. Si Doming ay masipag na empleyado. Ang mga bata ay masayang naglalaro ng tumbang-preso.
PANTAWAG= ipinantatawag sa pangungusap. Halimbawa: Rosie, wag mong kalimutan ang iyong baon. Anak, mag-aral ka na ng iyong leksyon.
KAGANAPANG PANSIMUNO= ito ay nasa bahaging panaguri at ginagamit sa pagpapakilala ng simuno. May AY sa unahan. Halimbawa: Ang magkapatid ay mga estudyante ng Colegio Sto. Domingo. Si G. Reyes ay tagapayo ng Presidente. | PANGNGALANG PAMUNO = ginagamit na tulong upang higit na mabigyang-diin ang simuno. Ito ay bahagi pa rin ng simuno. Halimbawa: Sina Raymee at Raymond, mga kaibigan ko, ay mapagkakatiwalaan. Si Raquel, ang kapatid ko, ay nasa Espanya.
LAYON NG PANDIWA = ginagamit na layon ng salitang kilos sa pangungusap. May NG o NG MGA sa unahan. Halimbawa: Naglinis ng kwarto si ate kanina. Nagluto ng turon si nanay para sa merienda.
LAYON NG PANG-UKOL = ginagamit na layon ng pang-ukol sa pangungusap. May salitang SA sa unahan. Halimbawa: Mula sa Mayor ang tulong na natanggap nang aming baranggay. Para sa magkakapatid ang pasalubong ni tatay. |
KAUKULAN NG PANGNGALAN
PALAGYO = kung ang pangngalan ay ginagamit na Simuno, Pantawag, Kaganapang Pansimuno, Pangngalang Pamuno
Halimbawa: Ang panahon ngayon ay pabagu-bago.
Ama at Ina, salamat po sa pagpapa-aral sa amin.
Si Gng. Andres ay mabuting guro.
Si Bantay, ang aking aso, ay marunong magbukas ng aming pinto.
PALAYON = kung ang pangngalan ay ginagamit na Layon ng Pandiwa at Layon ng Pang-ukol.
Halimbawa: Magdadala ako ng ulam bukas.
Ang pagsisikap ni Gemmo ay para sa kanyang mga magulang.
PAARI= may dalawang pangngalang magkasunod at ang pangalawang ay nagsasaad ng pagmamay-ari.
Halimbawa: Ang pagpapatawad ni ama ang sanhi ng aking pagbabago.
Anak ni Reynaldo si Romel.
